منا گوں جمبراں مہر اِنت – منیر مومؔن

*منا گوں جمبراں مہر اِنت*

من ءَ گوں جمبراں مھر اِنت
پہ ترمپے آس،
چنکے آپ،
دمانے آزمان ءُ
یک بِٹکّے گُلزمین ءِ
ھاترا من در پہ در گرداں
پمیشکہ کہ من ءَ گوں جمبراں مھر انت
من آسے ساھگ ءَ بال اِت
کہ مانداشتگ وتا کرپاسُکیں وھد ءَ
من تاسے آپ شوھاز اِت
ءُ ارواہ ءَ منی ءَ ھار ملّان اَنت
دمانے آزمان کِشتگ
کہ مُرگانی تواراں بال داتگ وپتگیں تاھیر
بِٹکّے گلزمین زرت ءُ کش ءَ نادینت
منارا الوتاں زندانے ءَ کرتگ
کسے بئیت ءُ اے زندان ءَ پمن بیاریت
یَہ ترمپے آس، چنکے آپ
دمانے آزمان ءُ یک بِٹکّے ھاک
اِشاں زوراں پہ وت من جمبرے سازاں
من ءَ گوں جمبراں مھر اِنت

*منیر مومؔن*

 



If you would like to have your work published in the Poetry  send your poem, a few words about yourself and the link to your blog and Instagram account to the e-mail poetry@shahzaibmajeed.com

Continue Reading

وابانی جوھار –  سبا دشتیاؔری

*وابانی جوھار*

چنچو واب آگھی ءَ دیستگ من
گوں ھمے واباں زندگاں انگت
واب لوٹنت ارساں ھون بکن
ءُ گوں مرگ ءَ مڑاہے گون بکن
من پمے ھاترا وت ءَ کشتگ
کنٹگ اوں،پُلّیں زندءَ رودینتگ
زندمان درد ءِ کہ وڑالیگ اِنت
راج ءِ زنداتی ءِ سوالیگ انت
واب باریں کجا بر اَنت زند ءَ
گواہ کہ بے گواہ کن انت منی جند ءَ
واب من آگھی ءَ چاراں باں
کنٹگاں دیدگاں داراں من
درداں من زندگی ءِ ماراں باں
درد است اِنت کہ زندگی است اِنت
واب است اِنت درد آگاہ بنت
آگھی زندگی ءِ نیمون اِنت
بید ءِ ایش ءَ اے جان ھو! جون اِنت
زند ءِ کسہ بزاں کہ نیم سون اِنت
من مہ باں بلّے واب زندگ بنت
زند ءَ جوریں جواب زندگ بنت
مھر ءِ درستیں ھساب زندگ بنت

 سبا دشتیاؔری



 If you would like to have your work published in the Poetry  send your poem, a few words about yourself and the link to your blog and Instagram account to the e-mail poetry@shahzaibmajeed.com

Continue Reading

چُش کہ مئے باپُشتءٙ گُشتگ مردُماں – توفیق رفیق

چُش کہ مئے باپُشتءٙ گُشتگ مردُماں
ما پہ اے دنیاءٙ اینچو بد نہ ایں

دزگھارءِ گپ تو پچ گپتگ آں
اے تئی دیم داتگیں کاگد نہ ایں

دوشی اِش کُت گوّستگءِ دمکاں ادئے
درائیں میتگ پد کتگ تئی پد نہ ایں

چون گوّستگ ائیدءِ شپ تھنائیءٙ
کس دلءِ ھالءٙ منی سرپد نہ ایں

مارا ہرکس وڑ وڑیں بھتام جنت
تئی گُشگ توفیق بلے بائد نہ ایں

توفیق رفیق



If you would like to have your work published in the Poetry  send your poem, a few words about yourself and the link to your blog and Instagram account to the e-mail poetry@shahzaibmajeed.com

Continue Reading

مفلس نہیں میں جانتا ہوں – تیمور خان عمرانی

مفلس نہیں میں جانتا ہوں
نجانے کیا کیا خطا ہو گئی

عادتن جو تکلیف تھی
اب جیسے ایک سزا ہوگی

عبادت نہیں تو کیا تھی
انجانے میں جو ہم سے ادا ہوگی

ایک ہی تو زندگی دی تھی پر
الحمدللہ ہم سے تباہ ہوگئی

تیمور خان عمرانی

Instagram

 


If you would like to have your work published in the Poetry  send your poem, a few words about yourself and the link to your blog and Instagram account to the e-mail poetry@shahzaibmajeed.com

Continue Reading